Sveinn Ólafur Gunnarsson er fæddur 1976. Hann lærði íslensku og heimspeki í Háskóla Íslands og útskrifaðist frá leiklistardeild LHÍ árið 2006. Frá útskrift hefur Sveinn unnið jöfnum höndum á sviði, kvikmyndum og sjónvarpi. Af sviðsuppfærslum sem hann hefur tekið þátt í má nefna; Þétting hryggðar, Lífið, Er ég mamma mín, Fool for love, Illsku, Sóley Rós og Rocky en fyrir fjögur síðastnefndu hlutverkin var hann tilnefndur til Grímuverðlauna fyrir leik í aðalhlutverki og aukahlutverki og Grímuverðlaunin fyrir aðalhlutverk fyrir Rocky. Af leik í sjónvarpi og kvikmyndum má nefna Pabbahelgar, Vonarstræti, Héraðið, Hrúta, Málmhaus, Á annan veg, Mannasiði og Hjartastein. Fyrir leik sinn í fjórum síðast nefndu kvikmyndunum var Sveinn Ólafur tilnefndur til Edduverðlauna sem besti leikari í aðal- og aukahlutverki.

Umboðsmaður: María Hrund, Móðurskipið