Berglind Halla útskrifaðist sem leikkona frá Listaháskóla Íslands, vorið 2019. Eftir útskrift lék hún hlutverk í stuttmyndinni Dalía eftir Brúsa Ólason og fór með eitt af aðalsönghlutverkunum í söngleiknum We will rock you í Háskólabíó haustið 2019.
2020 vann hún með sviðslistahópnum Sómi Þjóðar að sviðsverki sem þróaðist í stafrænt myndlistaverk í heimsfaraldrinum. Verkið heitir MARA og var hún bæði leikkona og meðhöfundur. Verkefnið hlaut styrk frá Sviðslistasjóði og listamannalaun.
2022 vann hún verkefni með hópi listamanna í 4. seríu af Ég býð mig fram (leikstjórn og eigandi Unnur Elísabet Gunnarsdóttir). Þar kom hún inn sem leikkona og höfundur örverks í seríunni sem bar heitið Nýr heimur. Verkið var sýnt á leikárinu 2022-2023.
Hún hefur starfað sem leikkona í barnastarfi Vídalínskirkju, og komið fram sem söngkona við ýmis tilefni.

Berglind er auglýsingarödd fjögurra fyrirtækja: Arna mjólkurvörur, Local salad, Íslenskt lambakjöt og Löður bílaþvottastöð. Hún hefur svo talsett barnabók og ýmis fræðslumyndbönd, t.d. fyrir IKEA og VÍS.