Stefán Þór er leikari og kvikmyndagerðarmaður búsettur í Reykjavík. Hann hefur framleitt heimildarsýningar í leikhúsi, heimildarmyndir og stuttmyndir ásamt því að halda úti hlaðvarpinu Heimsendir.

Stefán Þór hefur starfað sem leikari í Tokyo þar sem hann tók þátt í uppsetningu Tokyo International Players á sýningunni Pride and Prejudice ásamt hlutverki í þáttunum Tokyo Vice úr smiðju HBO.

Árið 2022 setti hann á svið sýninguna Fyrirlestur um Gervigreind sem ferðaðist um Vestfirði og var auk þess sýnd í grunnskólum Reykjavíkur. Alls voru sýndar 13 sýningar. Nú vinnur Stefán Þór að nýrri gamansýningu sem ber nafnið Lífið í Japan og verður frumsýnd vorið 2025.