Andrean er dansari, danshöfundur og leikari. Hann útskrifaðist með B.A. gráðu í samtímadansi úr Listaháskóla Íslands og er fastráðinn dansari hjá Íslenska dansflokknum.
Á ferli sínum sem dansari hefur hann unnið með mörgum þekktum danshöfundum þar má nefna Ernu Ómarsdóttur, Damian Jalet, Anton Lachky, Elinu Pirinen, Eszter Salamon, Tom Weinberger, Hooman Sharifi og hefur komið fram á sviði víðsvegar um heim.
Hann hefur komið að mörgum sjálfstæðum sviðsverkum ýmist eftir hann sjálfan eða sem dansari, leikari eða danshöfundur.

Hann hefur tekið þátt í gerð fjölda tónlistarmyndbanda t.a.m. hjá Vök, Mammút, Ólafi Arnalds, Hatara og nýlegast hjá Björk undir leikstjórn Andrew Thomas Huang. Einnig hefur hann leikstýrt og sviðsett fjölda tónlistaratriða fyrir tónleika og sjónvarp. Eflaust þekkja margir Andrean sem einn af dönsurunum í andkapítalíska, teknóbandinu Hatara og hefur verið að pönkast með þeim á mörgum tónleikum og gjörningum þ.á.m. Eurovision 2019.

Andrean hlaut Grímuverðlaunin árið 2018 sem Sproti ársins og hefur tvisvar verið tilnefndur sem Dansari ársins.