Selma Rán Lima er leikkona ættuð frá Íslandi og Grænhöfðaeyjum. Hún útskrifaðist af leikarabraut Listaháskóla Íslands vorið 2024.
Selma gekk til liðs við Þjóðleikhúsið strax að loknu námi og fer með tvö hlutverk leikárið 2024-2025; Dótturina í fjölskyldudramanu Heim eftir Hrafnhildi Hagalín og Möggu Messi í verkinu um þau Orra óstöðvandi eftir Völu Fannell, sem unnið er upp úr bókum Bjarna Fritzsonar. Þar að auki tekur hún við hlutverki Huldu í fjölskyldusöngleiknum Frost, haust 2024.