Nýjasta verkefni Júlíu er þátttaka í leikverki Lab Loka, Marat Sade sem nú er í sumarfríi en verður að öllum líkindum aftur á fjölum Borgarleikhússins í haust. Frá 2016 hefur Júlía starfað með Leikhúslistakonum 50+ en hún hefur verið gjaldkeri frá stofnun félagsins. Hún tók þátt í Dansandi ljóðum Gerðar Kristnýjar í leikstjórn Eddu Þórarinsdóttur og Konur og Krínólín í leikstjórn Eddu Björgvinsdóttur.
Hún hefur leikið í kvikmyndum, svo sem Citicen Cam, Fiasko, Skilaboð til Söndru, Bjarnfreðarson, Svartur á leik, Ég man þig o.fl. Einnig í sjónvarpsþáttunum Pressa 1, Hæ Gosi 3, og Fangar.

Auk þess hefur Júlía unnið í þremur uppsetningum Lab Loka, Fröken Júlíu, Ufsagrýlum þar sem hún var í hlutverki Ufsagrýlu, háseta og minningaverunnar og Marat Sade sem frumsýnt var á Nýja sviði Borgarleikhúss í janúar 2023.
Júlía hefur brennandi áhuga á leik og leikhúsi. Auk þess að leika hefur hún leikstýrt og skrifað fyrir leikhús, bæði einþáttunga og leikrit í fullri lengd.