Diljá lauk námi sínu í Artez í Hollandi árið 2022 og var í starfsnámi hjá Club Guy and Roni og Conny Janssen Danst.
Eftir útskrift samdi hún duet verk með Robin Kroes og THE_AND með verkið HEAR_ME sem var sýnt í Hollandi. Diljá hefur einnig unnið fyrir Sveinbjörgu Þórhallsdóttur með verkið Rof sem var sýnt á Cannes Dance Festival. Hún hefur unnið fyrir Jóní Jónsdóttur og Eirúnu Sigurðardóttur (Gjörningaklúbburinn) með verkið Flökkusinfóníu og Vitni. Hún hefur dansað fyrir tónlistarmanninn BLOSSA sem var sýnt á Lunga og Gaypride. Hún samdi dansmyndina MOLlisa sem var sýnd á SZólóDuó Festival og Boreal Screendance Festival. Hún tók þátt með Boob Sweat Gang sem var sýnt á Stálsmiðjunni, hefur samið og dansað verkið Les Coquettes ásamt öðrum sem var sýnt á Reykjavík Dance Festival og var dansari í söngleiknum Billy Elliot sem var sýnt í Borgarleikhúsinu.
Árið 2024, hóf hún störf hjá IID Company (Rotterdam) undir stjórn Remy Tilburg og Robin Kroes.
Diljá stundaði kvikmyndanám í Escac í Barcelóna árið 2023. Hún samdi dansmyndina Ást í dvala ásamt Júlíu Kolbrúnu Sigurðardóttur og Lísbet Sveinsdóttur að vegum Skapandi Sumarstarfa Kópavogs árið 2024.
Diljá starfar í dag hjá Íslenska dansflokknum í verkinu Hringir Orfeusar og annað slúður eftir Ernu Ómarsdóttur.