Anita Rós er dansari og danshöfundur. Hún stundaði dansnám við Listdansskóla Íslands, Dansskóla Birnu Björns og listdansbraut JSB. Auk þess er hún kennaramenntuð frá Háskóla Íslands. Anita hefur tekið þátt í hinum ýmsu verkefnum í lista senunni þar sem hún leikur, dansar og syngur.

Anita steig snemma á svið í Þjóðleikhúsinu og Borgarleikhúsinu í uppsetningum á Gosa og Kardemommubænum. Ásamt því var hún dansari í Latabæ fyrir BBC í fjölda ára bæði í sjónvarpi og á sviði. Í gegnum tíðina hefur hún tekið þátt í uppsetningum á tónleikum, hátíðum og sjónvarpsefni sem dansari og danshöfundur. Nýlega sem danshöfundur fyrir Hlustendaverðlaun FM956 (Stöð 2), dansari í Söngvakeppninni (RÚV) og á DÍVUM í Hörpu (Sena Live/Sjónvarpsímans). Anita hefur einnig dansstýrt sjö menntaskólasýningum síðastliðin ár.

Í dag starfar Anita sem danskapteinn og leikkona í söngleiknum Chicago (MAk/LA) sem hlaut tilnefningu til Grímuverðlauna sem sýning ársins. Þar fer hún með hlutverk Haltu-Kjafti Hófíar (Go-To-Hell Kitty) og fangelsiskvendisins Önnu (Annie).

Anita er að stíga sín fyrstu skref í að gefa út tónlist og koma fram sem söngkona. Hún kemur fram undir nafninu ANITA og er nýtt efni í vinnslu.